قــصيــدة روعــــــة...إهـداء خــاص

منهو بقالي كان عني تخليت = وانت الوحيد اللي بعمري بقالي

اوفيت لك ماضني لغيرك اوفيت = اوفيت لك باوال و اوفيت تالي

ابسألك ويش الخطى ويش سويت = موفي معك وانته مقاطع وصالي

كانك تسلى بي كفايه تسليت = خلاص مافيني لمثلك تسالي

غلطه ولاني اول الناس واخطيت = ماني ملك معصوم عنه الزلالي

اكبر خطاي اني من القلب حبيت = واوفيت للي بالهوى ماوفالي

الحب ماهو بس خذني وانا جيت = الحب وقفه بين غالي وغالي

كانك تجاملني بقولتك حبيت = تقدر تبدلني وتلقى بدالي

احلم بشوفك شوفة الحي للميت = اللي عن ايامه خذته الليالي

واحالي اللي كل ماطروك ونيت = ونت كسير العظم والعظم بالي

اسهر طوال الليل ماعمري امسيت = صورتك ذكرى ماتفارق خيالي

حتى لذيذ النوم مابه تهنيت = دايم اشوفك في منامي قبالي

تقبل علي وكل ما اقبلت فزيت = واقوم واجلس في منامي قبالي

واخر كلامي يوم انا منك مليت = احسن تعيش لحال واعيش في حالي

نبعد انا وياك من غير ياليت = لا اكون في بالك ولاتكون في بالي

يسلمو كتيير

يسلموووووووو كلمات ولا اروعة يسلمو يا غالي

يسلموووووووووووو جناااان

شكـــرا يا غـاليــن على الردووو

وتقبلـوااا تحياــتـ ي